مشاركتي في مسابقة أفضل مائدة رمضانية لعام ١٤٣٣

التفاصيــــــل

الطبق الرئيسي :

صلصة الجمبري بالخضار :
نقطع الخضار الى مربعات (فلفل بارد + بطاطس + بصل + طماطم + جزر + كوسا + شوية كبزرة وشبت ) هالشكل





نحط شوية زيت على المقلاه ونحط عليهم الخضار هالشكل





نضيفلهم شوية ماي ومعجون طماطم وبهارات مشكلة ونضيف الجمبري عليهم هالشكل





نتركها تستوي على نار متوسطة
تقدم مع ارز ابيض سويتله رشة صباغ هالشكل






الطبق الثاني :

بروست الجمبري وكفتة السمك

اولاً : بروست الجمبري
نغسله تمام ونحطه في اي وعاء ونعصر عليه ليمون وندق عليه ثوم وفلفل اخضر حار وشوية ماي وملح
نغطيه ونحطه بالثلاجة من الليل لثاني يوم هالشكل




ثاني يوم نجهز شوية دقيق وبقسماط او ممكن الاكتفاء بنوع واحد منهم هالشكل




نغطيهم بهالخلطة السابقة هالشكل



ونقليهم بزيت غزير وحار ونطلعهم على ورق منديل




ثانياً : كفتة السمك :
اول شي نغسل السمك ونغليه لين يستوي هالشكل




بعد مايستوي السمك نصفيه من الماي ونغسله منيح ونفتته بإيدنا ونشيل الشوك والعظم وكل شي ويصير هالشكل




نضيفله ملعقة معجون طماطم + ملح + بهارات مشكلة + شبت + ثوم مهروس او بودرة ثوم هالشكل




نخلط الخليط السابق بإيدنا يصير هالشكل




بعدها نسويها كفتة بس لازم ننتبه انه مافيها ولا نقطة ماي عشان ماتتفكك بالزيت
يعني واحنا نسويها كفتة وندورها ونكبكبها بإيدنا نضغط عليها عشان ينزل كل الماي اللي بداخلها
هنا بعد ماخلصت الكبكبة





نقليهم بزيت غزير وحاااار
وهذه صورة جماعية للجمبري والسمك




يتبع ..

المقبلات :

سمبوسة وطعمية وبطاطس وبازلا بالطريق المعتادة

اما الشفوت اليمني هذه طريقته

نجيب اللحوح جاهز مادري ايش تسموه هذه صورته



نفرشه على الصحن ونسكب عليه حقين ( لبن ) هالشكل



ونقطع عليه شوية كراث ويزين بالخيار ويقدم هالشكل




الشوربة :

نقطع بصل وطماطم وبطاطس وفلفل بارد ونقلبها بالزيت مع بهارات مشكلة هالشكل



نحط عليها ملعقتين معجون طماطم وشوية ماي ونسكب العتر ( عدس ) عليهم تصير هالشكل



ونتركها تستوي شوية
ووقت التقديم نقطع عليها بصل اخضر وشوية خل عالوجه

ملاحظة : العتر او العدس ننقعه من الليل بماي وثاني يوم نسويه بقدر الضغط وبعد مايستوي نعمل الطريقة السابقة


الحلى :

نقطع كيك اسفل الطبق او الكاسة ( اي نوع كيك تحبيه ) انا استخدمت امريكانا بالشوكلاتة هالشكل



ونسكب عليه جيلي هالشكل ونحطه بالفريزر يبرد



بعد مايتماسك شوية نسكب عليه طبقة اناناس هالشكل



وفوقها نسكب الكاسترد هالشكل



ملاحظة : الكاسترد عملته بالطريقة المعروفة ( حليب وسكر وفانيليا وكاسترد )

نتركها تبرد شوية بالفريزر وبعدها نحط عليهم طبقة كريم كراميل
الكريم كراميل ( جاهز وبارد ) عصرته بالخلاط واضفته فوق طبقة الكاسترد هالشكل



ونزين الوجه بالشوكلاتة بشرت عليه شوية شوكلاتة هالشكل





الان انتهيت من وضع مشاركتي كاملة

في انتضار تعليقاتكم

ما شاء الله سفره دايمه
الله يعطيكي العافيه يا رب

ما شاء الله سفرة دايمة يا قمر
مشكورة على المشاركة
والله يعطيكِ العافية